一分鐘都唔可以等嘅情況
- 腹部脹大、不斷乾嘔但吐唔出：可能係胃扭轉，大型深胸犬幾小時內致命
- 嘔吐物帶血、黑色或似咖啡渣
- 24 小時內嘔超過三次，或嘔完仲係不停作嘔
- 同時無精神、虛弱、牙齦蒼白或發紫
- 可能食咗朱古力、提子、木糖醇、老鼠藥、骨頭、玩具、襪
- 幼犬（細小病毒風險，尤其未打齊針）同老犬
- 同時有血便
可以在家觀察嘅情況
嘔一次、精神好、想飲水、冇其他病徵：
- 停食 6 至 12 小時（幼犬同小型犬最多 6 小時），少量多次俾水。
- 之後餵少量清淡食物（白飯加水煮雞肉，或腸胃處方糧），分三四餐。
- 兩日內慢慢轉返平時嘅糧。
- 期間再嘔、腹瀉或唔食，就要嚟。
唔好餵人類止嘔藥或止痛藥。
常見原因
- 亂食：垃圾、人類食物、草
- 食得太快、轉糧太急
- 腸胃炎、寄生蟲、細小病毒
- 異物阻塞：襪、玩具、粟米芯、果核
- 胰臟炎：常見於食咗油膩食物之後，腹痛、弓背
- 中毒
- 腎病、肝病、糖尿病、腎上腺病：老犬，伴隨多飲多尿或消瘦
- 暈車浪
到診會點做
- 觸診腹部、量體溫、評估脫水同休克跡象。
- 驗血：胰臟、肝腎、電解質、血糖；幼犬做細小病毒快速測試。
- X 光同超聲波：搵異物、胃扭轉、胰臟炎、腫塊。
- 治療：止嘔針、輸液、止痛；異物或胃扭轉即時手術。
預防
- 垃圾桶加蓋，散步用口罩或短繩防止亂食
- 用慢食碗，轉糧用 7 日過渡
- 唔好餵油膩人類食物同骨頭
- 大型犬分兩三餐餵，飯後一小時內避免劇烈運動