即刻要嚟嘅情況

  • 呼吸困難、張口呼吸（貓）、牙齦發紫或蒼白
  • 虛脫、失去知覺、抽筋超過 5 分鐘或連續抽筋
  • 腹部脹硬並不斷乾嘔（胃扭轉）
  • 公貓用力排尿但無尿
  • 誤食朱古力、提子、木糖醇、老鼠藥、百合花、人類藥物
  • 車禍、高處墮下、深傷口、大量出血
  • 反覆嘔吐、血便、無法飲水
  • 中暑：劇烈喘氣、流口水、體溫超過 40°C
  • 難產超過 30 分鐘用力無小狗小貓出世
  • 兔、天竺鼠 8 小時無食草無便便；雀鳥蓬毛坐籠底

唔肯定係咪急症？打嚟問，我哋寧願你多問一次。

出發前

  1. 致電 2126 7440 講明病徵同大約到達時間，我哋會準備氧氣、擔架同輸液。
  2. 貓同小型動物放入穩固嘅籠；大型受傷犬隻平放喺毛毯或硬板上，兩個人抬。
  3. 帶埋可能誤食物品嘅包裝、正在服用嘅藥物、以往檢查報告。
  4. 唔好自行催吐、唔好餵人類藥物、唔好餵食。
  5. 出血用乾淨毛巾按壓；中暑用室溫水淋濕身體。

到院流程

  1. 分流：護士喺數分鐘內評估，危急個案即時送入治療室。
  2. 穩定：氧氣、止痛、輸液先行，唔會等填表先做。
  3. 診斷：院內 X 光、CT、超聲波、驗血當日有結果。
  4. 治療方案同費用預算：穩定後獸醫向你解釋病情，提供書面預算，同意後先進行進一步治療。
  5. 住院或回家：住院有貓病房、狗病房、隔離病房，可安排探訪；出院有書面指示同覆診安排。

收費做法

急症診金比日間門診高，因為包括即時分流同 24 小時人手；之後嘅檢查同治療項目同日間一樣。住院需按金。付款可用現金、信用卡、轉數快。詳見「獸醫收費點計」一文。

點去

  • 地址：元朗水車館街 28 號萬金中心地下 33 至 39 號舖
  • 輕鐵：大棠路站步行 3 分鐘（610、614、615、761P）
  • 港鐵：朗屏站 C 出口步行約 10 分鐘
  • 的士：講「元朗水車館街萬金中心」，門口落客
  • 天水圍、屯門：的士約 15 至 25 分鐘；輕鐵直達大棠路站

深夜溫馨提示

輕鐵同港鐵約凌晨 12:30 後停駛，之後請用的士。本院照常開放，門口有燈牌。